Avokatët e Erion Veliajt kanë pohuar për “Top Channel” se kryebashkiaku ka qenë në pritje që prej orës 07:00 të furgonit për shoqërimin në Tiranë.
Furgoni ka mbërritur rreth orës 09:00, në të njëjtën kohë që do të niste seanca. Ndërsa bëhet me dije se në seancë nuk ishte paraqitur as avokati kryesisht i caktuar nga shteti për Veliajn.
Sipas mbrojtjes së tij, nuk dihet ende nëse vonesa ka qenë e qëllimshme apo neglizhencë. Në këto rrethana GJKKO është detyruar të shtyje seancën e sotme, ndërsa e radhës do të mbahet më 19 janar.
Veliaj kishte kërkuar të mbrohej vetë që në këtë mënyrë t’i mundësohej dhënia e dosjes, pas refuzimeve të vazhdueshme që ai të lexojë fashikujt.
