Rudina Hajdari ka deklaruar se po shërben si kanal komunikimi me Ambasadën Amerikane dhe Partisë Demokratike të Sali Berishës.
Ish–deputetja deklaroi për herë të parë se po shërben si urë komunikimi me amerikanët. Hajdari tha se është i vetmi kanal zyrtar mes PD-së së Berishës dhe Ambasadës Amerikane në Tiranë.
“Nuk është e vërtetë që SHBA dhe Britania nuk ka relacione me PD. Problemi që ato kanë është personale me Berishën. Të garantoj që PD ka kanale zyrtare me Ambasadën Amerikane. Unë mund të jem një nga ato. Komunikoj me Ambasadën Amerikanë. Patjetër që ka kanale zyrtare dhe ne kemi komunikim me ta. SHBA dhe Britania janë të qartë përsa i përket “non gratës’ me Berishën”, tha Hajdari. Kujtojmë se Sali Berisha u shpall “non-grata” dhe u sanksionua nga SHBA, me akuzat e korrupsionit masiv dhe minim të demokracisë.
