Kryeministri Edi Rama ka zhvilluar një takim me homologun grek, Kyriakos Mitsotakis.
Ky takim mes dy kryeministrave vjen në një moment ku mesa duket po “shkrihet akulli” i tensionit mes Greqisë dhe Shqipërisë për shkak se Drejtoria e Burgjeve i ka dhënë leje Fredi Belerit të betohet si Eurodeputet në Parlamentin Europian.
Nga pamjet e publikuara nga Spiropali, në tavolinë me Ramën dhe Mitsotakisin ndodhet edhe Presidenti i Këshillit Europian, Charles Michel.
“Blenheim Palace, Mbretëria e Bashkuar, në margjina të Samitit të Komunitetit Politik Europian, me Presidentin e Këshillit Europian, Charles Michel dhe kryeministrin e Greqisë, Kyriakos Mitsotakis”, shkruan Spiropali e cila ndodhet në Samitin e Komunitetit Politik Europian, i cili po mbahet në Britaninë e Madhe.
