Lulzim Basha është “zgjuar nga gjumi” duke na premtuar se kur të bëhet kryeministër do të heqë vizat e Shqipërisë me Amerikën.
Në një video-mesazh nga Uashingtoni, Basha kujtoi rolin e tij në heqjen e vizave me BE-në dhe theksoi se objektivi i radhës është sigurimi i lëvizjes së lirë të shqiptarëve në SHBA.
“15 vite më parë mundësuam lëvizjen e lirë të shqiptarëve në Europë. Asokohe në krah të Kroacisë, u anëtarësuam në NATO dhe vijuam anëtarësimin në Bashkimin Europian. Fatmirësisht Kroacia u bë anëtare e Bashkimit Europian dhe mundësoi lëvizjen pa viza edhe në Shtetet e Bashkuara të Amerikës për qytetarët e saj, Shqipëria mbeti mbrapa. Sot nga Uashingtoni, dua të rikonfirmoj zotimin tim se ashtu siç hoqëm vizat me Bashkimin Europian, do të heqim vizat dhe do të mundësojmë lëvizjen e lirë të qytetarëve shqiptarë në Shtetet e Bashkuara të Amerikës“, tha Basha.
