Ministrja e Financave dhe Ekonomisë, Delina Ibrahimaj bën me dije se një “ligj i ri” për taksën e pasurive parashikohet të miratohet brenda vitit.
“Synojmë që brenda vitit të miratojmë ligjin. Synohet që nëpërmjet këtij ligji të rritet ndjeshëm taksa mbi pasurinë, pra që do të ndikojë ndjeshëm në të ardhurat e bashkive.
Megjithatë është një proces i komplikuar që prek të gjithë popullatën. Synohet që taksat për banesat të hyjnë në fuqi në 2026 ndërsa për tokat bujqësore në 2028. Nëpërmjet këtij ligji ne do të duam që tashmë taksa me pasurinë të vlerësohet mbi vlerën reale dhe jo mbi çmimet e referencës.
Do të duhet një angazhim më i madh i të gjitha bashkive me qëllim zbatimin e ligjit që do të miratohet, me qëllim mbledhjen e taksës në të gjithë vendin”, theksoi ministrja.
