Biznesmeni arab Mohamed Alabbar ka dhënë detaje në lidhje me investimet e tij në Shqipëri e cila pritet të transformohet. Alabbar është shprehur se Shqipëria është vendi i sigurt për të investuar pasi njerëzit kërkojnë që të çojnë përpara vendin e tyre.
Biznesmeni arab ka theksuar se relievi i Shqipërisë është një tjetër pikë e fortë që ka vendi për të tërhequr investimet, ku ka theksuar se të gjithë mendojnë se më e bukur këtu është vija bregdetare, por unë mendoj se janë luginat dhe fshatrat.
“Shqipëria është një goxha shans i mire për të investuar. Sistemi më transparent që kam hasur në Shqipëri, e kam hasur vetë dhe le të më dalin gjithë kundër. Kur nisëm punën tonë në Dubai 15 vite më parë njerëzit nuk kishin besim te ne pasi ne ishim të rinj. Ishin në lindjen e mesme dhe në Siri që vetëm lajme negative kishte. Askush nuk mund të vejë në diskutim Dubain e sotëm që fluturon pa pilot, ndaj i them dhe Shqipërisë se çdo vend ka histori negative por le ta ndalim frymën dhe ta marrim shtruar. Nëse do të shëtisni në Shqipëri, shikon, male, luginat dhe bregdetin, por për mua bukuria e Shqipërisë qëndron të luginat. Për mua fshatrat dhe njerëzit e Shqipërisë janë të jashtëzakonshëm”, tha Alabbar.
