Qytetarët e Kosovës, një biletë aeroplani e paguajnë më shtrenjtë se ata të vendeve të rajonit. Shpeshherë kosovarët detyrohen të zgjedhin aeroportin e Kukësit apo Tiranën, për shkak të çmimeve më të ulëta të biletave.
54.55 euro kushton një biletë avioni në linjën e fluturimit nga Kukësi për në Basel-Mulhouse, nëse udhëtimi planifikohet me 14 prill. Mirëpo, destinacioni i njëjtë nga Aeroporti i Prishtinës, me të njëjtën kompani ajrore, është disa herë më i shtrenjtë, pra 119 euro kushton bileta nga Prishtina.
Edhe për në Vjenë, biletat e aeroportit janë më të shtrenjta nga Prishtina. Vetëm një drejtim nga Prishtina në Vjenë, kushton 119.99 euro. Ndërsa, nga Kukësi në drejtim të Vjenës, një biletë është 64.99 euro.
Aeroporti “Zayed” ne Kukes u ndërtua nga qeverisja e Edi Rames i cili ka premtuar ta kthejë Kukësin në një qytet turistik.
