Gjykata Tiranës ka dhënë zyrtarisht vendimin për vërtetimin e mandatit të Erion Veliajt si kryetar i Bashkisë së Tiranës.
Pas këtij vendimi, i hapet rruga hapit të fundit, ceremonisë së betimit të kryebashkiakut Erion Veliaj për mandatin e ri. Veliaj ka arritur të fitojë bindshëm në të gjitha njësitë e Tiranës, duke marrë rreth 60 mijë vota më shumë se rivali i tij, Belind Këlliçi.
Veliaj ka mundur të sigurojë një fitore të thellë edhe tek tre zonat ku Foltorja kishte shpresa të mëdha, si Kombinati, Astiri dhe “5 Maji”.
