Prej datës 5 korrik, qytetarët kanë mundur të lëvizin lirshëm në Tunelin e Llogarasë, një ndër veprat më të mëdha publike.
Turizmi është përfituesi më i madh i këtij kalimi, që i jep një dimension tjetër Rivierës në Jug të Shqipërisë. Dikur nga Dukati në Dhërmi do të duhen rreth 40-50 minuta udhëtim, nëpërmjet tunelit, sot koha maksimale për të shkelur në bregdetin e Dhërmiut është 10 apo 12 minuta.
Tuneli i Llogarasë nis nga Ura e Shën Elizës dhe del në Urën e Palasës, ndërsa është pjesë e seksionit rrugor Orikum-Himarë, pjesë e Autostradës.
Tuneli i Llogorasë përbëhet nga dy tunele, tuneli kryesor dhe ai i emergjencës. Si tuneli kryesor, ashtu edhe ai i emergjencës, kanë 11 tunele lidhëse me njëri- tjetrin në gjithë gjatësinë e tyre. Tuneli kryesor është 7.70 m i gjerë dhe 4.70 m i lartë, si dhe i pajisur me sistem ajrimi, si dhe me një sistem të kullimit të urave nëntokësore dhe atyre sipërfaqësore.
Tuneli i Llogarasë kete sezon do të jetë pa pagesë, ndërsa vitin e ardhshëm do të aplikohet, një taksë prej 5 euro, sipas zv.kryeministres Belinda Balluku.
