Flamur Noka ka deklaruar se Ervin Salianji nuk është më anëtar i Kryesisë së Partisë Demokratike.
Pasi e përjashtoi edhe nga grupi i Whatsapp i PD, Noka tha se Salianji ka kaluar vijën e kuqe në parti pas takimit që organizoi me demokratët në Elbasan.
Gjithashtu Noka tha se Salianji është vetëpërjashtuar nga Partia Demokratike.
“Zotëria (Salianji) nuk është anëtar i Kryesisë dhe strukturave të Partisë Demokratike që kur u vetëpërjashtua. Është vetpërjashtuar se PD ka një vijë të kuqe. Marrëveshja me krimin mafian, e kemi vijë të kuqe e kemi me statut. Kjo është histori e mbyllur. Opozita dje ishte në shesh, kush nuk është në shesh i kemi bërë thirrje të bashkohet. Kemi një qëllim rrëzimin e narko regjimit dhe një qeveri teknike për të krijuar kushtet për votën e lirë dhe populli të vendosë me votën e tij”, tha Noka.
