Kryengritja e Ervin Salianjit duket se ka nxitur një reagim brenda Partisë Demokratike, duke aktivizuar jo vetëm bazën e gjerë demokrate, por edhe figura të afërta me Sali Berishën.
Ervin Salianji mblodhi demokratët në Shkodër ndërsa kreu i selisë blu, Sali Berisha, zhvilloi foltoren e tij në Korçë.
Salla ku Ervin Salianji zhvilloi takimin ishte e mbushur plot me demokratë ndërsa edhe ndjekësit online i kishte më shumë se sa Sali Berisha.
Ndonëse takimet ishin në distancë, Berisha dhe Salianji u “përballën” online, pasi ora e takimeve ishte e njëjtë, në 18:00. Berisha nuk kishte as 300 shikime në live në Facebook, përballë 1.1 mijë shikimeve të Salianjit, i cili po fliste në të një njëjtin moment që edhe Berisha po mbante fjalimin. Trend ky i njëjtë shikueshmërie gjatë gjithë takimit, me mbi 1 mijë shikime, gati 4-fish me shumë se kryedemokrati.
