Gazetari investigativ, Artan Hoxha i cili kishte paralajmëruar shpërthimin e një skandali ri për të mbuluar ngjarjen e Fushë-Krujës, reagoi pas lajmit se SPAK kërkon arrestimin e Arben Ahmetajt.
Artan Hoxha paralajmëron se Ahmetaj është larguar jashtë vendit dhe me gjasë nuk do të arrestohet, por do të shpallet në kërkim pas aprovimit që do të jepet nga Kuvendi.
“Komandanti nuk më zhgënjen kurrë…Ashtu si parashikova të shtunën, se për të mbuluar skandalin e Fushë-Krujës, do të plaste një skandal më të madh për të mbuluar të parin. Ja ku jemi sot… “Papritur” dhe “pakujtuar” kërkohet arrestimi i ish-zv/kryeministrit. Arben Ahmetajn aty e kishim që prej një viti, pse duhej ta “arrestonin” me patjetër sot, pasi u “siguruan” që e ka kaluar kufirin shëndoshë e mirë???!!!! Ja ku e keni “temën e ditës” për të kaluar vapën e këtij meskorriku…”, shkruan Artan Hoxha.
