Pas kërkesë së SPAK drejtuar Kuvendit për arrestimin e ish-zëvendëskryeministrit Arben Ahmetaj, sot pasdite në orën 16:00 do të mblidhet Këshilli i Mandateve në Kryesinë e Kuvendit.
Theksojmë se ndaj Arben Ahmetajt janë ngritur 3 akuza penale, korrupsion pasiv, pastrim parash dhe deklarim i rremë dhe fshehje pasurie. Mësohet se sipas urdhrit mbledhja e Këshillit do të jetë me dyer të mbyllura për shkak të sekretit hetimor.
“Rendi i ditës është si më poshtë: Shqyrtimi i kërkesës së SPAK për dhënie autorizimi nga Kuvendi për arrestim/heqjen e lirisë dhe ushtrimin e kontrollit personal/të banesës së deputetit të Kuvendit të Shqipërisë, Arben Ahmetaj”, thuhet në njoftimin e firmosur nga kryetarja e Kuvendit Lidnita Nikolla.
