Diplomatja e lartë amerikane Yuri Kim, është zyrtarisht në muajt e fundit të qëndrimit të saj në Shqipëri. Ministria për Europën dhe Punët e Jashtme ka njoftuar këtë të enjte, se kanë nisur procedurat e zëvendësimit të saj me një ambasador të ri.
“Në përgjigje të interesimeve të medias gjatë gjithë ditës dhe për të shmangur çdo spekullim mbi “heshtjen” e MEPJ, konfirmojmë se procedura e zëvendësimit të ambasadores Kim ka nisur zyrtarisht, ndërkohë që për emrin e ambasadorit të ri procedura nuk na mundëson të bëjmë komente”, thuhet në njoftimin zyrtar të Ministrisë së Jashtme të Shqipërisë.
Megjithatë, për pasuesin e Yuri Kim nuk ka ende asnjë informacion pasi ai zgjidhet nga Departamenti Amerikan i Shtetit.
