Gazeta greke “Ekathimerini” i ka kushtuar një artikull çështjes “Beleri” e cila është kthyer në “mollë sherri” mes Greqisë dhe Shqiperisë.
“Athina është e shqetësuar se Fredi Beleri, mund të humbasë detyrën si kryebashkiak ”, shkruan gazeta greke “Ekathimerini”.
“Sot kuptohet se ai mund të ketë bërë blof për të blerë kohë që të skadojnë 3 muajt e paraburgimit dhe procesi të kalojë në fazën tjetër, që është përjashtimi automatik i Belerit si kryebashkiak. Sipas kodit bashkiak shqiptar, një kryetar bashkie është i detyruar të ketë një adresë banimi brenda kufijve të bashkisë së tij. Adresa aktuale e Belerit është ajo e burgut të Vlorës ku ai mbahet, siç ligji e parashikon për çdo të burgosur pas tre muajve të paraburgimit”, vijon më tej gazeta greke.
“Kryeministri shqiptar thuhet se i ofroi Greqisë garanci në prapaskenë menjëherë pas zgjedhjeve të dyta greke në fund të qershorit se “çështja e Belerit do të zgjidhet”.
