Deputeti i PD, Belind Këlliçi i ka shtrirë dorën e bashkëpunimit partive të tjera opozitare, për zgjedhjet e pjesshme lokalë qe pritet të mbahen në Tiranë dhe disa bashki të tjera të vendit.
Këlliçi tha se “sekreti” i fitores së mundshme së PD-së në Bashkinê e Tiranës do të vijë nëse kampi opozitar unifikohet për të gjetur kandidatin kosensual.
Gjithashtu Këlliçi shtoi se nëse opozita do të gjejë një kandidat me profil të fortë politik për të arritur fitoren “imagjinare” në kryeqytet.
“Në 14 maj 2023 nuk ka patur zgjedhje dhe këtë e kemi faktuar. Unë për vete e kam faktuar me aksionin tim politik të dy viteve me radhë. Dhe e kemi faktuar që në rastin e Bashkisë Tiranë i gjithë shtabi elektoral i Erion Veliajt ishte një shtab kriminal. Unë mendoj se opozita duhet të gjejë modalitetet dhe profilet e kandidatëve me të cilët të përballet me Ogerta Manastirliun, në momentin e parë që do të kemi një dekret të presidentit, ku do të mësojmë edhe datën e zgjedhjeve në kryeqytet. Kandidati duhet të ketë një profil të qartë politik, për t’i dhënë një mesazh të fortë qytetarëve. Ky është një moment i artë që duhet shfrytëzuar nga opozita, me një kandidaturë të gjetur, e cila mundet të krijojë një kohezion më të gjerë sesa vetëm anëtarësia, mbështetësit, simpatizantët e PD-së”, tha Këlliçi.
