Mjete taktike të blinduara për efektivët e Batalionit të Këmbësorisë së Lehtë i janë shtuar prej pak ditësh flotës së Forcës Ushtarake Shqiptare, duke rritur ndjeshëm kapacitetet e saj operacionale.
Ministri i Mbrojtjes Pirro Vengu bëri të ditur se falë asistencës së SHBA-së, do të vijojë edhe me rijetëzimin e industrisë ushtarake duke rikthyer prodhimin e armëve në uzinën e Poliçanit, Gramshit dhe Mjekësit.
“Ky investim shënon një hap të rëndësishëm në procesin e modernizimit dhe rritjes së gatishmërisë së strukturave ushtarake, në përputhje me prioritetin tonë për forcimin e infrastrukturës mbrojtëse. Pasurimi i flotës së mjeteve në Forcën Tokësore është gjithashtu një element për rritjen e aftësive tona mbrojtëse dhe përmbushjen e standarteve ndërkombëtare”, tha Vengu.
