Kryeministri Edi Rama ka uruar Klodjan Braho i cili ditën e sotme u zgjedh në krye të SPAK-ut duke pasuar Altin Dumanin.
Në mesazhin e tij të urimit, Rama u zotua se shumica qeverisëse do të ofrojë mbështetje maksimale për Prokurorinë e Posaçme për të vazhduar punën të palëkundur.
”Punë të mbarë drejtuesit të ri të SPAK-ut, i cili u zgjodh sot mes katër kandidatësh për të çuar më tej punët e mandatit të tretë të institucionit, duke marrë stafetën nga drejtuesi aktual, që meriton përgëzime për arritjet e pamohueshme të SPAK-ut në tre vitet e drejtimit të tij. SPAK ka pasur, ka dhe do të ketë mbështetjen e palëkundur të shumicës sonë qeverisëse, për të përmbushur në pavarësi e kushte optimale misionin e vet”, shkruan Rama.
