Qeveria shqiptare dhe ajo e Malit të Zi do të zhvillojnë një mbledhje të përbashkët më 27 shkurt në Podgoricë. Bëhet me dije se prioritet i diskutimit do të jetë ndërtimi i përbashkët i urës mbi Bunë.
Po ashtu në këtë mbledhje kryeministri Edi Rama dhe kryeministri në detyrë i Malit të Zi, Dritan Abazoviç do të diskutojnë për një serë marrëveshjes dhe çështje konkrete bashkëpunimi midis dy vendeve.
Theksojmë se kjo është mbledhja e dytë që realizohet mes qeverive, ndërsa në takimin mes dy kryeministrave në Ohër vitin e kaluar, është diskutuar për projektin e ndërtimit të përbashkët të urës mbi Bunë.
