Kryeministri Edi Rama u shpreh se Shqipëria do të jetë “kampione e turizmit për vitin 2023”.
Gjithashtu Rama u shpreh besimplotë se aeroporti i Tiranës mund të jetë padyshim konkurrues me aeroportin e Beogradit, dhe se mund ta kalojë për nga numri i pasagjerëve këtë vit. Gjithashtu Rama paralajmëroi edhe një numër të lartë të turistëve nga aeroporti i Vlorës.
“Shqipëria do jetë kampione e turizmit në 2023. Mund të themi pa rezerve se jemi konkurrues me aeroportin e Beogradit, e me gjasë mund ta kapërcejmë në numër pasagjerë këtë vit. Do kemi boom në rritjen e turistëve në aeroportin e Vlorës. Në aeroportin e Vlorës vijon puna. Kemi shumë besim se me futjen e aeroportit të Vlorës do të kemi një bum të konsiderueshëm të numrit të turistëve. Edhe pse aeroporti i Tiranës punon 24 orë dhe ka 200 fluturime në ditë mundësitë janë më tepër”, tha Rama.
