Kryeministri Edi Rama, nga Dibra ku po mbahet Asambleja e Zgjeruar e PS-së, komentoi dhunën dhe kaosin që kanë shkaktuar deputetët e Berishës në Kuvend.
Rama i konsideroi qesharake akrobacitë e deputetëve të “Rithemelimit” duke kapërcyer kangjëllat e kryesisë se Kuvendit.
“S’ka prind në këtë vend që i thotë fëmijës futu nga penxherja dhe pastaj baballarët hyjnë nga penxheret sepse diçka shumë e fortë i shtyn në këto akrobacira qesharake që mund të shkojnë në shfaqjet e Portokollisë por jo në zyrat e tempullit të demokracisë së një vendi si parlamenti dhe kjo lidhet me drejtësinë”, tha Rama.
