Deputeti demokrat Lefter Gështenja duke folur në MCN TV për aferën e inceneratorëve shprehu bindjen se nëse hetimet shkojnë deri në fund SPAK-u mund të shkojë deri “në majën e piramidës”.
Pjese ne grupin e Lulzim Bashes, Gështenjau bëri thirrje 16 deputetëve socialiste që të lënë imunitetet pasi sipas tij janë përgjegjës duke firmosur për inceneratorët.
“Kemi dëgjuar shumë politikanë të lart, qoftë Ahmetajn, Gjiknurin, Ramën, Bllakon dhe Kokën, që bënin deklarata bombastike, por faktet kanë treguar…Në Parlament janë 16 deputetë që kanë firmosur për këto koncesione. Unë u kam bërë thirrje të lënë imunitetin, t’i hapin rrugën drejtësisë vet, pa qenë nevoja të vënë në siklet kolegët për heqjen e imunitetit. Nëse i shkohet deri në fund drejtësia do të shkojë deri në majën e piramidës. Unë besoj se shumë shpejt do shohim se kush janë personat përgjegjës për këtë mega aferë”, shtoi Gështenja.
