Deputetja më e re e PD-së, Ori Nebijaj thotë se nuk ishte e pranishme në protestën e djeshme e thirrur nga Sali Berisha.
Mungesa në protestë ishte për disa arsyje, por Nebijaj thekson se do të dëshironte që protesta të ishte më e madhe.
“Jo, nuk ishte dje në protestë me thënë të drejtën, për shumë arsye. Unë jam gjithmonë pro protestave, kam qenë gjithmonë në protesta, nuk kam lënë protestë pa shkuar. Isha shumë pro protestës së djeshme, madje do doja që të kishte qenë edhe më e madhe, me idenë që në fund të ditës nuk ka asgjë të keqe nëse bëhet një protestë që si mision të saj ka të bërtasë fortë ato çfarë shqiptarët i shqetësojnë. Nuk shoh asgjë të keqe këtu”, theksoi Nebijaj.
