Ish kandidati për kryetar i PD-së, Ibsen Elezi komentoi shfaqjen e Ilir Metës dhe faktit që ai nuk sulmoi SPAK, por qëndroi aleat i Berishës.
Elezi tha se Meta ka frikë nga drejtësia e re, pasi është i vetëdijshëm për veprimet që ka kryer dhe pret që nga momenti në moment SPAK t’i trokasë në derë atij dhe shumë të tjerëve.
“Meta-Berisha nuk e thonë dot që pas ketij hetimi është Departamenti i Shtetit Amerikan. Pas shpalljes së non-gratës po ushtron gjithë trysninë e vet që këta të përballen me sistemin e drejtësisë. Çdokush në politikë që ka kryer aktin e korrupsionit që janë shumë, kanë filluar të frikësohet. Këto që janë sot në politikë janë futur thellë në krimin e korrupsionit. Të gjithë janë të frikësuar dhe Meta tregoi një qëndrim të ekuilibruar për këtë arsye. Ai është i sigurtë që në një të ardhme të afërt SPAK do të trokasë në derën e tij. Kjo situatë do të çojë shumë shpejt në një qeveri teknike” tha Elezi.
