Kryetari i Bashkisë së Tiranës, Erion Veliaj, i ka dhënë përgjigje ultimatumit të Transportit Publik, i cili lajmëroi se nga dita e sotme do të reduktojë autobusët urbanë në kryeqytet.
Duke e cilësuar një “pabesi” ndaj qytetarëve të Tiranës, sidomos në një periudhë me temperatura të larta, Veliaj kercenoi duke thene se kush merr kete vendim do t’i hiqet licenca.
“Sot kemi pasur një ultimatum të padrejtë dhe nga të gjitha shoqatat e transporti publik të Tiranës. Kur dikush të vendos një ultimatum në temperaturë 40 gradë, do t’i përgjigjemi në të njëjtën mënyrë. Premtimi im është: “Kush nuk del sot në punë do të humbasë automatikisht licencën”. Më rezulton se deri në këtë orë kanë dalë të gjithë në punë. Nuk bëhet kjo në pabesi, në një fundjavë mes korrikut dhe gushtit, nuk bëhet në një qytet që, në fakt, është i vetmi që subvencionon transportin publik, që paguan edhe për studentët që udhëtojnë falas”, tha Veliaj.
