Ndryshojnë rregullat për kolaudimin e mjeteve rrugore në Shqipëri, duke parashikuar kontroll teknik të detyrueshëm pas çdo ndryshimi të pronarit të automjetit.
Ndryshimet parashikohen në një udhëzim të Ministrisë së Infrastrukturës që është publikuar në Fletoren Zyrtare por që do të nisë zbatimin nga data 1 dhjetor 2026.
Sipas udhëzimit, pavarësisht se kur është kryer kontrolli i fundit teknik, autoriteti kompetent do të ketë të drejtë të kërkojë një kolaudim të ri në momentin që ndryshon titullari i certifikatës së regjistrimit të mjetit.
Kështu nëse ju keni bërë kolaudim makine fjala vjen në shkurt dhe në mars e shisni makinën, edhe pse kolaudimi vlen dy vjet, në këtë rast vlen vetëm për periudhën deri në shitje, duke sjellë një proces të ri kolaudimi dhe pagesas
I njëjti detyrim parashikohet edhe për automjetet që kanë përshkuar mbi 160 mijë kilometra. Edhe ato do të duhet ti nënshtrohen kolaudimit dhe pagesave të përsëritura ose të dubluara.
