“Report TV” ka siguruar një pjesë audio të seancës në GJKKO për rivlerësimin e masës së sigurisë ndaj Erion Veliajt, më 12 shkurt.
Në audion e seancës, të cilën avokatin e ka tërhequr nga gjykata dhe ia ka vënë në dispozicion palës së akuzuar dhe që Report TV e disponon, dëgjohet teksa kryetari i Bashkisë së Tiranës, Erion Veliaj është duke bërë mbrojtjen, përballë prokurorëve Ols Dado e Altin Dumani dhe gjyqtarit Erjon Bani që aprovoi kërkesën e hetuesve, arrest në burg.
Në këtë pjesë të shkurtër të audios së seancës në GJKKO, dëgjohet prokurori i SPAK, Ols Dado teksa thotë: “E di se ku shkon ky…”
Kjo deklaratë e prokurorit bëhet në të njëjtën kohë teksa kryebashkiaku Veliaj flet për pretendimet e tij ndaj Ols Dados se ndodhet në konflikt interesi pasi i ka kërkuar 2 herë leje ndërtimi për pallat në ‘Rrugën e Bogdanëve’ e cila u firmos nga Erion Veliaj më 9 shtator 2021, dhe që prokurori i posaçëm nuk e ka deklaruar në ILDKPKI.
● Pjesë nga biseda që dëgjohet në audio:
》Veliaj:.. Por leja, nuk është se konkurron dikush tjetër, pra, Kisha Katolike që ka përballë nuk mund të ndërtojë në tokën e prokurorit, aty mund të ndërtojë vetëm ai që ka pronën ose ai që ai është pajtuar me pronën.
》Ndërhyn Dado: E di se ku shkon ky (Vijimi nuk dëgjohet mirë)
》Gjyqatri Erjon Bani: Ju lutem…
》Veliaj: Po ju shpjegoj si funksionon. Pra lejen nuk e merr organizata e arkitekturës vetëm se ka idenë.
(Dëgjohen disa fjalë njëkohësisht të cilat nuk kuptohen mirë)
》Dado: Po s’ke turp që thua banesën e prokurorit këtu, tregon banesën e prokurorit, ça është ky është kërcënim, është kërcënim është ky? tregon banesën e prokurorit?!
》Erjon Bani: Prokuror, prokuror.
Ols Dado: Unë nuk e di banesën tënde ku jeton.
》Veliaj: Unë besoj që është konflikt interesi, prokurori mendon që dhe kjo sjellje është sjellje normale, unë mendoj që sështë normale, po kam të drejtë të them që s’është normale
》Ols Dado: Kam mesazhet..
》Erjon Bani: Prokuror, prokurori.
View this post on Instagram
