Gjyqtari i GJKKO, Erjon Bani ka replikuar me kryebashkiakun Erion Veliaj për të cilin më 12 shkurt dha vendimin “arrest me burg”.
Bani tha se kush ka ankesa duhet t’i adresojë në organet kopetente dhe jo t’i bëjë gjyqtarit gjyqin në publik, duke iu referuar akuzave të kryebashkiakut.
Erjon Bani tha se gjyqtarët por edhe familjarët i nënshtrohen kontrolli periodik të pasurisë, madje celularët e tyre janë gjatë gjithë kohës nën përgjim.
“Jo vetëm gjyqtarët por edhe familjarët tani i nënshtrohen kontrolli periodik të pasurisë, përgjohen në kohë reale të gjitha komunikimet mesazhet për sa i përket integritetit duhet të theksojmë një fakt se parimet kombëtare janë të rëndësishme. Kush lidhur me integritetit duhet ti adresojë në organet kompetente. Nuk mund të bëhet gjyqi i gjyqtarit, gjyqi i gjyqtarit bëhet vetëm në Gjykatën e Lartë. Sa i përket kriteret ka një kontroll të posaçëm në organet e vettingut, por vetting ishte akoma dhe më i thellë dhe qëllimi është bërë për të kthyer besimin e qytetarëve te sistemi i drejtësisë. Në momentin që kalon ky filtër kalon dhe një filtër tjetër nga KGJ është dhe një komision i posaçëm i prokurorisë të posaçme që garanton një filtër ndryshe nga gjithë gjyqtarët e tjerë që duhet të kalosh dhe këtë filtër”, tha Bani.
