Një punonjës policie është dhunuar nga 3 të rinj në Tiranë. Mësohet se polici 31-vjeçar, është qëlluar me grushte nga tre të rinjtë, njëri prej të cilëve kishte shkelur masën e sigurisë “Arrest në Shtëpi”.
Ky i fundit u arrestua, një tjeter eshtë shpallur në kërkim, sakaq, njëri prej të rinjve është proceduar penalisht.
“Specialistët për Hetimin e Krimeve të Komisariatit të Policisë Nr. 1 arrestuan 26-vjeçarin, si dhe referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin, 23 vjeç, dhe po punojnë për kapjen e shtetasit, 25 vjeç, të tre banues në Tiranë. Këta shtetas, në rrugën “Shyqyri Ishmi”, gjatë një konflikti kanë goditur me grushte shtetasin, 31 vjeç, banues në Tiranë (punonjës policie)“, njofton policia.
