Ditën e sotme, Policia e Tiranës ka njoftuar se në një qendër tregtare në rrugën “Murat Toptani”, një 4-vjeçare ka ngecur aksidentalisht në hapësirën mes shkallëve elektrike.
Sipas informacioneve policore, e mitura është dëmtuar dhe ndodhet në spital.
“Më datë 01.09.2024, rreth orës 11:15, në një qendër tregtare në rrugën “Murat Toptani”, dyshohet se aksidentalisht është rrëzuar në hapësirën midis shkallëve elektrike të katit të 3-të, një e mitur 4 vjeçe, e cila si pasojë është dëmtuar dhe ndodhet në spital, në kujdesin e mjekëve”, njofton policia.
Grupi hetimor po punon për sqarimin e rrethanave të ngjarjes.
