Kryeministri i Malit të Zi, Dritan Abazoviç, gjatë një sesioni diskutimi rreth samitit të Bashkimit Europian me Balkanin Perëndimor në Bruksel, i shprehu përgëzime kryeministrit Edi Rama për evenimentin e mbajtur në Tiranë.
Abazoviç tha se ishte diçka shpresë dhënëse të shihje ditën e djeshme gjithë ata liderë europianë të cilët erdhën për t’i dhënë mbështetje vendeve të Ballkanit Perëndimor.
“Edi Rama në fakt është mjeshtër i evenimentit. Në fakt ka të bëjë me thelbin, ishte mirë shumë mirë që pamë kaq shumë udhëheqës që erdhën t’i japin mbështetje Ballkanit Perëndimor. Jam shumë optimist, ndoshta nuk ngjan kështu dhe është e vërtetë se kemi sfida. BE-së i duhet të kuptojë një gjë të thjeshtë se dhe BE-ja duhet të mbetet tërheqëse për vendet që duan të anëtarësohen në BE, sidomos pas brexit. Dua ta përgëzoj Shqipërinë dhe RMV për zhbllokimin së fundmi të procesit të BE. Kanë pritur shumë kohë edhe vendimmarrja nga ana e BE duhet të jetë më efektive”, tha Abazoviç.
