Kreu i qeverisë Edi Rama ka refuzuar të komentojë reagimin e deputetit Erion Braçe, i cili nëpërmjet një postimi që bëri në rrjetet sociale paralajmëroi edhe njëherë mazhorancën se nuk po e lënë të bëjnë punën dhe u shpreh se do të lërë punën si deputet.
Në një deklaratë për mediat, Rama tha se nuk është nevojshme që nje gazetar të ndërhyjë mes tij dhe Erion Braçes pasi ky i fundit është i pranishëm kudo që është kreu i qeverisë.
“Po pse mendon se e ke arritur nivelin që të shërbesh si urë komunikimi mes meje dhe Erion Braçes. Ai vërtetë nuk është i pranishëm këtu, por është gjithmonë i pranishëm tek unë edhe kur nuk është i pranishëm. Kështu nuk është e nevojshme të ndërhyni mes meje dhe Erion Braçes”-tha Rama.
