Rënia e EUROS ka prekur një rekord të ri historik. Kursi i këmbimit ka hyre në momentin kur efekti sezonal veror është më i fortë se kurrë, për shkak të “pikut” të sezonit turistik.
Eksperti i ekonomisë, Zef Preçi pohon se ndikimet në ekonomi janë negative për bizneset, por Qeveria Shqiptare përfiton nga forcimi i lekut për shkak se borxhi është në monedhën Euro.
“Qeveria përfiton për faktin e thjeshtë që kostoja e shërbimit të borxhit publik për pjesën në euro, ne kemi më shumë se gjysmën në monedhë të fortë në euro, zvogëlohet. Nga ana tjetër një numër industrish të lidhura me marrëdhëniet të import eksportit, industritë eksportuese cenohen” – shpjegoi eksperti.
Sipas kursit zyrtar të këmbimit të Bankës së Shqipërisë (më 15 Korrik) monedha “Euro” blihet me 102.4 leke dhe do të shitet me 103.3 leke.
