Konkurrenca e fortë nga dy gjigandë ndërkombëtar low cost “Wizz Air” dhe “Ryainar”, duket se ka rezultuar fatale për kompaninë shqiptare të fluturimeve, “Albawings” e cila ka tërhequr avionët e saj nga operimi.
Ndonëse “Albawings” nuk ka bërë njoftim publik për mbylljen e aktivitetit, burimet bëjnë me dije që në faqen zyrtare të kompanisë nuk mund të kryhen më rezervime.
Vitin e kaluar kompania shqiptare, zotëroi 5% të tregut të fluturimeve në Shqipëri duke u renditur e treta pas “Wizz Air” dhe “Air Albania”.
Gjatë muajve të parë të këtij viti, pjesa e saj e tregut ka rënë në mënyrë dramatike duke shkuar drejt zeros, ndërsa gjendja e saj financiare ka ardhur duke u përkeqësuar në mënyrë të vazhdueshme.
