Kryeministri Edi Rama ka reaguar në lidhje me lajmin e publikuar në televizionin “Fax News”, në të cilin thuhej se qytetarët që kanë hyrë në shtëpitë e reja, të rindërtuara pas tërmetit, do t’u duhet të paguajnë një kredi të butë.
Rama e ka hedhur poshtë këtë lajm, duke thënë se shtëpitë e familjeve të prekura nga tërmeti, do t’u rindërtohen dhe do t’u jepen falas.
“LAJM I RREMË SY PËR SY! Kështu thonë kudo ku rindërtohet pas tërmetit, përveçse në Shqipëri ku shtëpitë u janë rindërtuar dhe do t’u rindërtohen FALAS të gjitha familjeve të prekura! Zoti i ruajttë shqiptarët nga epidemia e lajmeve të rreme!”- shkruan Rama.
