Aktori legjendar Reshat Arbana feston sot 84-vjetorin e tij. Një nga figurat më të spikatura të skenës dhe kinematografisë shqiptare, Arbana është vlerësuar për kontributin e tij të jashtëzakonshëm në artin shqiptar.
Në këtë ditë të rëndësishme, kolegë dhe miq të shumtë i kanë shprehur urimet më të mira, duke theksuar rëndësinë e tij si artist dhe intelektual. Shkëlqim Hajdari shkroi: “Reshat Arbana, Artist i Popullit dhe Nderi i Kombit, ke qenë dhe mbetesh një simbol i denjë i kulturës shqiptare. Paç jetë të gjatë dhe shëndet!”
Reshat Arbana lindi më 15 shtator 1940 në Tiranë dhe ka interpretuar disa nga rolet më ikonike të kinematografisë shqiptare. Përveç karrierës së tij të gjatë në kinematografi, Arbana ka lënë gjurmë të thella edhe me zërin e tij, duke interpretuar poezi dhe proza nga letërsia shqipe dhe botërore, duke e bërë një figurë të pazëvendësueshme në kulturën shqiptare.
