Partia Demokratike ka nisur sot takimet me aleatët për të gjetur me konsensus kandidatin e opozitës për zgjedhjet e pjesshme në bashkinë e Tiranës.
Noka u shpreh se PD do ta fitojë Bashkinë e Tiranës nëse kandidati del me konsensus duke marrë mbështetje nga të gjitha partitë e tjera opozitare.
“Ne sot kemi nisur takimet me aleatët. Faza e parë ka të bëjë me takime me të gjithë aleatët, partitë politike parlamentare për të profilizuar kandidatin që opozita do të ketë për bashkinë e Tiranës dhe bashkitë e tjera. PD është e hapur që të konsultohet me të gjitha partitë opozitare për të gjetur kandidatin për t’u përballur me “narko-regjimin”. Ne e konsiderojmë të mundshme fitoren në bashkinë e Tiranës dhe bashkive të tjera në rast se do të unifikohemi ne nje te vetem përballë këtij regjimi”, tha Noka.
Tre të mandatuarit e Sali Berishës për negociatat Këlliçi, Alimehmeti dhe Noka zhvilluan mesditën e së shtunës një me kreun e PR, Fatmir Mediu dhe kreun e PAA, Agron Duka.
