Qeveria Shqiptare ka reaguar me urgjencë duke ofruar mbulimin e shpenzimeve për kurimin e aktorit te dashur per publikin Genc Fugen i cili pësoi goditje cerebrale.
Qeveria Rama ka dhënë një shumë prej 20 milionë lekësh të vjetra për mbulimin e shpenzimeve për Genc Fugen i cili iu nënshtrua një operacioni 3 ditë më parë në një spital privat në Tiranë. Një ditë më parë, ai iu nënshtrua edhe dy ndërhyrjeve të tjera dhe aktualisht po qëndron nën monitorimin e mjekëve.
Për ndërhyrjen u desh një shumë prej 19 mijë eurosh, ndaj bashkëshortja e tij, aktorja Eni Jani, bëri apel në rrjetet sociale. Menjëherë në rrjetet sociale u aktivizuan qindra qytetarë, duke mbledhur brenda pak orësh mbi 40 mijë euro.
