Ish-deputeti i PD, Aleksandër Biberaj ka komentuar rezultatin katastrofik të kandidatit të Sali Berishës në zgjedhjet e pjesshme në Kukës që përfunduan me fitoren e Partisë Socialiste.
Për Biberajn, fakti që mazhoranca socialiste ka fituar me dyfishin e votave në bashkinë e Kukësit, tregon që elektorati i djathtë i ka bojkotuar zgjedhjet.
Për këtë situatë, Biberaj fajëson opozitën e Berishës, e cila sipas tij, nëse vijon të mbetet e përçarë do të pësojë të tjera humbje.
“Ajo që ndodhi në Kukës është e tmerrshme. Një opozitë copë copë që është gllabëruar. Ky rezultat nuk justifikon asnjë qëndrim të opozitës. E di çfarë do të thotë të dalë Kukësi dyfish vota për PS-së. Sa të jetë Sali Berisha në drejtimin e Partisë Demokratike, Basha në një fraksion dhe Bardhi në një tjetër fraksion, do të shkojmë nga humbja në humbje. Ata votojnë për atë që kanë votuar, pasi nuk kanë alternativë. Ne kemi nevojë për kandidatë që rri dhe jeton në Kukës. Ne po e vuajmë mungesën e opozitës preh vitesh”, tha Biberaj.
