Kryeministri Edi Rama ka bërë të ditur se duke filluar nga sot, pas orës 19:00 të pasdites, do të hapet aksi Thumanë-Kashar.
Ky hap i ri pritet të lehtësojë lëvizjen dhe të kontribuojë në zhvillimin e turizmit në rajon. Në një mesazh të shpërndarë në rrjetet sociale, kryeministri shprehu kënaqësinë për përfundimin e projektit të rëndësishëm infrastrukturor, duke e përshkruar si një arritje që do të shërbejë për të gjithë qytetarët dhe do të ndihmojë në zhvillimin e mëtejshëm të turizmit.
Megjithatë, hapja e rrugës nuk ka qenë pa kontrovers. Banorët e zonave që janë prekur nga ndërtimi i rrugës kanë mbajtur protesta në muajt e fundit, duke shprehur shqetësimet e tyre mbi kompensimet e pamjaftueshme për pronat e tyre që u prekën nga projekti.
