Ish-ministri në qeverinë “Berisha 2”, Ferdinand Xhaferaj i është bashkuar ekipit të këshilltarëve të Presidentit Bajram Begaj.
Me një karrierë të gjatë universitare dhe politike, Xhaferaj do të punojë tashmë më kreun e shtetit. Burime mediatike raportojnë se ish-kreu i demokratëve të Durrësit e ka marrë detyrën në ditët e fundit, pasi ka përfunduar zyrtarisht dhe mandatin e deputetit, me nisjen e legjislaturës së re parlamentare.
Deri tani nuk ka një reagim apo njoftim zyrtar, por Ferdinand Xhaferaj është shfaqur shpesh, muajt vitet e fundit, kritik me vendimet dhe lidershipin e Partisë Demokratike. Ai madje as nuk pranoi të përfshihej në zgjedhjet e fundit parlamentare, më 11 Maj.
Ferdinand Xhaferaj në vitet 2009-2011, ka shërbyer si Ministër i Turizmit, Kulturës, Rinisë dhe Sporteve dhe për vite me radhë ka drejtuar degën e Partisë Demokratike në Durrës, duke përfaqësuar banorët e vet në Kuvend si deputet në 5 legjislatura.
