Eduart Brahilika, është kandidati zyrtar i Partisë Demokratike për zgjedhjet e pjesshme në Bashkinë e Matit.
Ai është me profesion avokat dhe ka marrë besimin e strukturave të PD, për të garuar përballë socialistit Altin Bojni.
Bashkia e Matit është mes 6 bashkive që do të përfshihen në procesin e zgjedhjeve të pjesshme më datë 9 Nëntor, për shkak se kryebashkiaku i saj Agron Malaj u zgjodh deputet në parlamentaret e 11 Majit dhe u detyrua të linte në mes mandatin si kryebashkiak.
Eduart Brahilika është me profesion avokat dhe një aktivist i angazhuar prej vitesh me strukturat e Partisë Demokratike. Gjithashtu, Brahilika rezulton se ka qenë dhe drejtor i Burgut të sigurisë së lartë në Burrel.
Veç Bashkisë së Matit, në zgjedhjet e pjesshme të datës 9 Nëntor 2025, sipas dekretit të Presidentit të Republikës, do të shkojnë dhe qytetarët e bashkive Tiranë, Vlorë, Tepelenë, Berat dhe Cërrik.
