Ish-kryeministri i Italisë, Matteo Renzi në një intervistë për televizionin “La7” ka folur lidhur me emigrantët dhe ardhjen e tyre në Shqipëri.
Përveç shpenzimeve të mëdha, Renzi tha se plani i Melonit është për t’i sjellë emigrantet në Shqipëri, një vend që sipas tij “dihet që ka një standard të ndryshëm”.
“Do t’i dërgojnë emigrantët në Shqipëri, një vend që siç e dimë kë standard tjetër. Kanë arrestuar tre orë më parë ish presidentin e Republikës së Shqipërisë, shikoni imazhet se si e tërheqin jashtë makinës, atë që ishte dikur president i Republikës. Për emigrantët nga Bangladeshi ndoshta do të kenë më pak konsideratë”, u shpreh Renzi.
Arrestimi me urdhër të SPAK-ut e ish-Presidentit të Republikës Ilir Meta ditën e djeshme ka bërë jehonë në mediat ndërkombëtare.
