Kryepeshkopi Anastas Janullatos është ndarë nga jeta mëngjesin e sotëm në moshën 95-vjeçare.
Kryepeshkopi prej ditësh u shtrua në spitalin “Evangelismos” në Athinë, por pavarësisht përpjekjeve të stafit mjekësor, Anastas Janullatos u largua përgjithmonë nga kjo botë.
Tashmë një tjetër figurë e shquar duhet të vijë në krye të Kishës Orthodhoske të Shqipërisë për të vazhduar shërbesën e pandërprerë të Kryepeshkopit. Kujtojmë se disa vite më parë vetë Kryepeshkopi Anastas Janullatos ka thënë se pasardhësi i tij në krye të kishës do të jetë shqiptar.
Mitropoliti i Korçës është pretendenti kryesor për të ardhur në krye të Kishës Orthodokse Autoqefale të Shqipërisë. At Joani Pelushi është emri i cili po lakohet më tepër përgjatë ditëve të fundit si pretendenti për t’u emëruar si Kryepeshkop i Shqipërisë.












