Ministrja Elisa Spiropali, ka shkuar për ngushëllime në familjen Rushaj të cilët humbën në mënyrë tragjike dy njerëzit më të dashur.
Përmes një postimi në rrjetet sociale, Spiropali e pikëlluar i është bashkuar hidhërimit të familjarëve të Pjetër dhe Jason Rushaj, babë e bir të cilët u ndanë nga jeta pasi përroi rrëmbeu makinën e tyre.
“Për ngushëllim në familjen Rushaj ku nëna dhe motrat qajnë vëllain, babain dhe bashkëshortin. E pikëlluar i bashkohem dhimbjes së familjes, fisit, të afërmve, miqve, fqinjëve dhe gjithë malësorëve që humbën një burrë punëtor e të dashur, e djalin e vetëm të një familjeje fisnike! Zoti ju forcoftë! Dritë pastë shpirti i tyre i mirë”, shkruan Spiropali.
