Kryeministri Edi Rama ka deklaruar se KFOR me urgjencë duhet të marrë nën kontroll Veriun e Kosovës.
Rama theksoi se diçka të tillë e ka propozuar dhe më herët në samitin e NATO-s. Sipas Ramës, vonesa e këtij hapi mund të sjellë viktima të një konflikti të armatosur, duke paralajmëruar një arenë lufte mes Kosovës dhe Serbisë.
“Sot që ajo që ndodhi dje të mos përsëritet më nesër dhe largqoftë dhe më keq. Edhe qeveria e Kosovës të mos degradoj në një arenë luftimesh të herë pas hershme, të cilat mund ta kthejnë Kosoven në një dombas të vogël. Duhet pasur parasysh që te behet dialogu, vonesa e këtij hapi mund të sjellë dhe një stokë viktimash të një konflikti të hapur. Pikërisht, për të parandaluar viktimat, KFOR duhet të marr në kontroll veriun e Kosovës. Është një propozim që e kam bërë më parë dhe në samitin e NATO”, tha Rama.
