Vangjel Tavo, kandidat i Partisë Socialiste për zgjedhjet e pjesshme që do të zhvillohen në bashkinë e Himarë më 4 gusht, premtoi se do të jetë aty për të zgjidhur problemet e qytetarëve.
Në një intervistë për Report TV, Tavo tha se problemi i pronave nuk është pjesë e fushatës, pasi është një problem i akumuluar prej vitesh, por shtoi ky problem po merr zgjidhje nga qeveria. Sipas tij deri në fund të tetorit banorët në Himarë do të jenë të pajisur me certifikata pronësie.
‘‘E kam konsideruar sfidë. Kam shumë vite që i kam shërbyer elektoratit dhe banorëve të qarkut të Gjirokastrës duke u marrë me problemet e tyre. Jam i bindur se mund t’ja dal për të trajtuar çdo shqetësim dhe problem që banorët e kësaj bashkie. Problemi i pronave është një çështje që nuk është pjesë e fushtës sime elektorale, por një problem i akumuluar prej më shumë se 30 vitesh, një problem i pazgjidhur që me ndërhyrjen dhe këmbënguljen e kryeministrit po merr zgjidhje. Deri në fund të tetorit do të pajisen të gjithë qytetarët e Himarës me certifikatat e pronësisë. Kjo duhet të ishte zgjidhur që para 30 vitesh”, tha Tavo.
