Dega e Partisë Demokratike po vijon konsultimet për përzgjedhjen e kandidatit të kësaj force politike në zgjedhjet e pjesshme lokale për bashkine e Vlores
“A2 CNN” raporton se nën drejtimin e deputetit Bujar Leskaj, u zhvillua mbledhja e kryesisë së degës Vlore me fokus procesin e përzgjedhjes së kandidatit për kryetar bashkie në zgjedhjet e pjesshme.
Konsultimet po vijojnë edhe sot, jo vetëm me të gjitha forumet e degës, por edhe me mbledhjet nëpër rajone të ndryshme të qytetit e qarkut.
Emrat e propozuar si kandidatë potencialë për bashkinë e Vlorës janë: Eralba Kreshpa, Alta Azizi Haluci, Atird Hoxha, Genti Hamzaraj, Rezembrik Serjani.
Procesi i diskutimeve dhe konsultimeve me forumet e PD-së dhe me rajonet pritet të vazhdojë në ditët e ardhshme, me synim finalizimin e kandidaturës që do të përfaqësojë demokratët në garën për kryetar bashkie në Vlorë. Më pas 5 emrat e vendosur do t’i propozohen kryesisë e cila do të zgjedh kandidaturën më të përshtatshme për këto zgjedhje.
Në avantazh për garën për kryetar bashkie është Atird Hoxha i cili ishte pjesë e garës për deputet, por me votat e diasporës humbi vendin e deputetit.
