Genc Gjokutaj ka deklaruar se ka qenë vetë Berisha që e ka kontaktuar për të qenë avokati i tij, pasi iu njoftua se SPAK ka kërkuar masën e sigurisë “detyrim paraqitje”, në lidhje me akuzat për privatizimin e kompleksit Partizani.
“Kanë arrestuar Abin (Jamarbër Malltezi)”, zbulon Gjokutaj se i ka thënë Berisha kur e ka telefonuar.
“Vetë zoti Berisha më kontaktoi. Berishën e njoh prej 1992. Më kontaktoi dhe më thotë se je në dijeni. Kanë arrestuar Abin”, tha avokati në News24.
Në lidhje me pyetjen sesa kohë do të marrë procesi ndaj Berishës, ai tha: “Nuk mund ta japë këtë përgjigje tani. Jo se nuk njoh afatet, por çështjet ku mplekset politika shpejtësia e procesit nuk mund të parashihet në afate.”
