Pas “cirkut” duke kapërcyer kangjellat dhe duke hyre nga dritaret e Kryesise se Kuvendit, deputetët e Sali Berishës “ia dolën” te mesyjne në Komisionin e Ligjeve.
Është mbyllur vetëm disa sekonda pasi ka nisur, mbledhja e Komisionit të Ligjeve, kjo për shkak të situatës kaotike të krijuar nga deputetët e “Rithemelimit”.
I ashpër u tregua deputeti Dashnor Sula i cili tha se u dhunua, ndërkohë që nuk kishte bërë asnjë shkelje. Ndërkohë, Sula i drejtohet deputetit të PS-së, Arben Pllumbi, se: “Po na rrahin o Arben!”
“Turp të keni, turp. Nuk jam hajdut! Por të më mbyllni derën, ça jeni ju? Ca të bëjmë ne? Të shtyjmë njëri tjetrin? Si e mbyllët derën? Kush e mbylli? Gjej një rast kur i mbyllet dera deputetëve? Gjeni një rast?! Ky është turp. Më tregoni tani një muhabet. Më dhunove atje! Më dhunove. Keni humbur logjikën! Merruni me Saliun ose Nokën, ç’punë ke me këtë?!”, tha Sula.
Deputetët e Sali Berishës kane dhene nje shembull te keq duke treguar se nuk pyesin per ligjin duke e shkelur me të dyja kembet.
Edhe pse të përjashtuar, deputetët e Berishës kërkonin të hynin me patjetër në ambientet e Kryesisë së Kuvendit.
